Бизнес

Аппрентис шоунаас тодорсон О.Амарболд ажлыг багаасаа хийж эхэлсэн

Монгол HD телевизийн “Аппрентис” шоу өнгөрсөн өвөл үзэгчдийг байлдан дагуулж байсан. Хамгийн шилдэг CEO буюу гүйцэтгэх захирал сонгох тус шоуны үзэгчдийн хайр хүндэтгэлийг хүлээсэн оролцогч бол О.Амарболд. Өдгөө 26 настай тэрээр Ард Лайф ХХК-ийн Үйл ажиллагаа хариуцсан захирлаар ажиллаж байгаа. Энэ бүх амжилтад хүрэхийн тулд багаасаа ажил хийж, нийгмийн харилцаанд орж байсан байна.

Тэрээр “Хамгийн анх Жангфу хэмээх Хятад хоолны ресторанд 14 настай байхдаа зуны амралтаараа анх зөөгчийн ажил хийж анхны цалингаа авч байлаа. Гэхдээ аав маань цалинг минь өгч, намайг олон хүмүүстэй харилцаж сургах, гаднынханд үйлчилгээ үзүүлж, хятад, англи хэлийг маань сайжруулах зорилготой байсан юм билээ.

Түүнээс хойш зуны амралт бүр жил алгасалгүй ажил хийж 2010 онд их сургуулиа төгсөөд албан ёсны хөдөлмөрийн гараагаа эхэлсэн . Анх Оюу толгой ХХК, МРА Групп компанийн Худалдааны менежерээр ажилд ороод Хятад дахь төлөөлөгчийн газрын төлөөлөгч, Төлөөлөгчийн газрын дарга, 22 насандаа залуу насны хүслээ биелүүлж МИАТ ТӨХК-ийн Агаарын хөлгийн үйлчлэгч буюу Мөнгөн цагаан хөлгийн бүхээгийн ажилтнаар, 2015 онд уул уурхай, эрчим хүчний Жинхуа Группэд Төлөөлөн удирдах зөвлөлийн Нарийн бичгийн дарга, Үйл Ажиллагаа Хариуцсан Захирал, Тэргүүн дэд захирал тэгээд 26 насандаа Гүйцэтгэх Захирлаар томилогдон 5 жил ажиллаж байгаад өнөөдөр Ард Санхүүгийн Нэгдлийн бүрэлдэхүүн Ард Лайф компанид Үйл Ажиллагаа Хариуцсан Дэд Захирлаар ажиллаж байгаа. Тэрээр эхнэр, гурван хүүхдийнхээ хамт амьдардаг байна.

Эх Сурвалж: Butnever.com

Санал болгох нийтлэл

Сэтгэгдэл

АНХААРУУЛГА: Уншигчдын бичсэн сэтгэгдэлд Winnergy.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
error: Content is protected !!