Эрүүл мэнд

Менингоккын халдвараас сэргийлж жамц давсны уусмал хэрэглэхийг эмч зөвлөж байна

Сүүлийн үед бага насны хүүхдүүдийн дунд менингококкт халдвар гарч байгаа тул эцэг, эхчүүдийг халдвараас урьдчилан сэргийлж, анхаарал болгоомжтой байхыг Эрүүл мэндийн яамнаас анхааруулсан.

Менингококкын халдварын хамгийн хүнд хэлбэрийг цахилгаан менингит гэж ярих нь бий. Менингококк нянгийн үржих таатай температур нь 36-37 градус байдаг болохоор хамар залгиурт үржээд ханиах, найтах үед гадагш тархана. Өөрөөр хэлбэл, агаар дуслын замаар халдварладаг.

Тэгвэл халдвараас сэргийлэхэлд жамц давсны уусмалыг хэрэглэх нь тустай аж. Энэ талаарх дараах зөвлөгөөг олны мэддэгээр “Цахим Эмч” Б.Баярбямба өгч байна.

Халдвараас хамгаалах энгийн бөгөөд үр дүнтэй аргуудын нэг бол жамц давсны уусмалаар хамар нармай, хоолой, амны хөндийг цэвэрлэх юм. Ингэснээр хэсэг газрын дархлаа тогтолцоонд эерэгээр нөлөөлж өвчин үүсгэгч салстыг нэвтрэхээс сэргийлнэ.
         ДАВСНЫ УУСМАЛААР ЗАЙЛАХ ЗААВАР
5гр нунтаг жамц давсыг буцалгасан эсвэл цэвэршүүлсэн 100 мл бүлээн усанд хийж давсны уусмалаа бэлтгэнэ. Найруулсан уусмалаараа амны хөндий, хоолой, хамар нармайгаа 5-6 удаа зайлна. Өглөө оройдоо давсны уусмалаар зайлж заншвал халдварт өвчнөөс сэргийлэх тустай.
         ЯГААН ЖАМЦ ДАВСНЫ ТАЛААР ТОВЧХОН
Увс аймгийн Тагнын нурууны салбар уулсын дунд орших Шүдэн уул нь хэдэн сая жилийн өмнө тэнгисийн ёроолд ургасан давст уул юм. Монгол орны бусад давст уулыг бодвол насжилтын хувьд хамгийн эртнийх гэж үздэгээс гадна дэлхий даяар судлагдсан томоохон ордуудаас хүний биед хэрэгтэй амин чухал эрдэс, давсын агууламж ихтэйд тооцогддог.
Жамц давс нь ягаан, саарал, цагаан, хөх, улаан, шар гэсэн өнгөтэй байдаг бөгөөд хүний биед хэрэгцээтэй кальци, флор, иод, магни, натри, төмөр, кали, хүхэр зэрэг элементүүд агуулдгаараа онцлогтой. Хүхэр нь хүний бие махбодийн эсэргүүцэх чадварыг сайжруулах, гадаад орчны бохирдол, өвчин үүсгэгчээс хамгаалдаг.

Санал болгох нийтлэл

Сэтгэгдэл

АНХААРУУЛГА: Уншигчдын бичсэн сэтгэгдэлд Winnergy.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
error: Content is protected !!