М.Баярмагнай: 17 жилийн өмнө ааваа гэж анх дуудуулах алдрыг хайрласан том хүүгээрээ нэг гангарнаа…
Жүжигчин М.Баярмагнайн том хүү одоо 17 настай гэнэ. Аавыгаа дуурайсан царайлаг, яриалаг, нуруулаг авьяастай мундаг хүү гэнэ шүү. Дүү нараа сайн хардаг, дүү нартаа үлгэр жишээ сайн хүү. Тэрээр бусдад тусархаг аав ээж ах дүү нараа хүндэлдэг хүмүүжилтэй хүний үр гэнэ дээ.
Монгол улсын гавьяат жүжигчин, Монгол улсын хошин урлаг, тайз, дэлгэцийн эрэгтэй жүжигчин Магсаржаламын Баярмагнай 1978 оны 10 сарын 6-нд Баянхонгор аймагт төржээ. 1996 онд Баянхонгор аймгийн 1-р арван жилийн сургуулийг төгсөж, СУИС-ийн кино драмын ангийг 2000 онд төгсчээ.
Сургуулиа төгсөөд УДЭТ-д жил гаруй ажиллаад хошин урлагт хөл тавьж Өнгөт инээд хамтлагт элссэн. 2007 онд нэг хамтлагт байсан Мөнхсайхан, Эрдэнэзаан хоёрын хамтаар “Маск” продакшныг байгуулан тусдаа гарч амжилттай явна. Тэрээр 2018 оны 12 сарын 28нд гавьяат жүжигчин цол хүртсэн. Түүний гэр бүлд аз жаргал хүсье
