Ордууд

Зурхайн ордууд өөрт ээлтэй цэцгээ тарьж ургуулах нь амьдралд нь эерэгээр нөлөөлдөг байна

Тасалгааны цэцэг зөвхөн тасалгаа чимэглээд зогсохгүй мөн зурхайн орд бүрийн сахиус болдог байна. Өөрийнхөө ордыг сонгоод ямар цэцэг таны анд нөхөр, туслагч болохыг мэдээрэй.

                  Хонь – шүст цэцэг буюу суккуленты

Энэ цэцэг авхаалжтай, хуурай хөрсөнд ч ургах чадалтай, тиймээс өөрийн тэвчээрийг Хонинийхонтой харамгүй хуваалцана.

Үхэр – нил цэцэг буюу фиалки

Энэ ургамлын цэцэг нь тав тух, баяр хөөрийн уур амьсгалыг оруулдаг утгаараа Үхрийнхэний гэрт тав тухыг яриангүй авчирна.

Ихэр – хэрээ нүд буюу аспарагус цэцэг

Агаар шиг хөнгөн мэдрэмжийг төрүүлэх энэ цэцэг Ихрүүдэд өөдрөг сэтгэл санааг бэлэглэнэ. Энэ ордныхон хөнгөн бөгөөд санаа зовох зүйлгүй амьдралд дуртай шүү дээ.

Мэлхий – мөнгөний мод

Мэлхийнхэн гэр бүлийн үнэ цэнийг эрхэмлэдэг, тэд санхүүгийн амжилтад хүрэхийг хичээнэ. Тиймээс мөнгөний мод тэдний туслагч, үнэнч найз нь болох юм.

Арслан – хятад сарнай

Тод өнгийн цэцэг нь яах аргагүй өөртөө анхаарал татдаг, тиймээс Арсланд тохирох сахиус болно.

Охин – лагийн хуяг цэцэг буюу монстера

Энэ цэцэг албан тасалгааг үнэхээр их чимдэг. Охины ордныхны хувийн хөгжлийн шат өөд алхахад лавтайяа тусална.

Жинлүүр – мөнхрөө буюу сансевиерия

Жинлүүрийнхэн бүх зүйлийг тэнцвэртэй байлгахыг эрмэлздэг. Мөнхрөө цэцгийн навчны ургалт, өнгө зүс ч тайван байдлыг илтгэх тул жинлүүрийнхэнд дотоод сэтгэлийн амар амгаланг олоход тусална.

Хилэнц – кактус

Кактусыг өргөстэй, царай муутай цэцэг гэж бодож явдаг бол буруу шүү. Ихэнх кактус цэцэглэдэг юм. Гэхдээ зөвхөн цөөн тооны хүмүүс л тэр цэцгийг олж хардаг юм. Хилэнцийн булингаргүй дотоод сэтгэл тэр болгонд нээлттэй биш, цэцэглэж буй кактус нь яг л энэ ордны сахиус болно.

Нум – нимбэг

Гэрийн нөхцөлд нимбэг тарих – ар араасаа цуврах адал явдал, сорил. Нумынханд яг л тохирох зүйл дээ. Энэ ургамал хэнийг ч шинэ мэдлэгийн эрэлд гаргуулна.

Матар – бонсай

 

Жижигхэн, гэхдээ жинхэнэ мод – хөдөлмөрч, хүчтэй Матрынхны сахиус болно. Мөн сонирхолтой уламжлалыг ч гүйцэтгэнэ: тодорхой хугацаанд титмээ засаарай.

Бумба – сүүт өвс буюу пуансеттия

Зурхайн энэ орд шинэ санаа оноогоор байнга баялаг явдаг, харин хурц өнгөтэй сүүт өвс эсвэл өөрөөр түүнийг “зул сарын од” хэмээгдэх энэ цэцэг Бумбынхныг олон санаагаа хэрэгжүүлэхэд тусална.

Загас – цахирмаа

Энэ цэцгийн зөөлөн дэлбээ нь яг л Загасны дотоод сэтгэлийг санагдуулам. Цахирмаа – маш олон уран зураачдын бүтээл дээр байдаг, харин ихэнх Загасныхан – төрөлхийн уран бүтээлч хүмүүс байдаг ажээ. Магадгүй цахирмааг өөрийн сахиусаар авахад Загас уран бүтээлийн онгoдоор огт тасрахгүй.

Эх сурвалж: XopoM

 

Санал болгох нийтлэл

Сэтгэгдэл

АНХААРУУЛГА: Уншигчдын бичсэн сэтгэгдэлд Winnergy.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
error: Content is protected !!