Цусны бүлгээр нь эмэгтэй хүний зан байдлыг тодорхойлж болно
Олон зууны турш хүмүүс хүний зан байдлыг судалсаар иржээ. Юун түрүүнд хувь хүмүүсийн хоорондын ялгааг тогтоохтой холбоотойгоор үүнийг сонирхох болсон байна. Зан аашын тухайд, сэтгэлзүйн олон шинж тэмдгүүд байдаг бөгөөд тэдгээр нь сэтгэл хөдлөлийн хурц болон тогтвортой хэлбэр, үйл хөдлөлийн эрч, хувь хүний зан төлөвөөр илэрхийлэгддэг байна.
Хүний зан байдлыг тодорхойлдог олон судалгаа, арга, аргачлалууд байдаг байна. Тухайлбал, Япон, Солонгосчууд хүний зан байдлын онцлогыг цусны бүлэгтэй нь холбон тайлбарладаг аж.
ЭМЭГТЭЙ ХҮНИЙ ЗАН БАЙДАЛ
I БҮЛЭГ
I Бүлгийн цустай эмэгтэйчүүд маш аминчхан шинж чанартай. Эрчүүдтэй харьцах харьцааны хувьд тэд хүсэл тачаал ихтэй бас маш их хартай байдаг. Энэ бүлгийн эмэгтэйчүүд өөрсдийн сонгосон хүнийхээ бүх зүйлд хяналт тавихыг хичээдэг. Тиймээс түүний эр хүн нь хүссэн, хийхээр төлөвлөсөн зүйлээ өөрийнхөөрөө хэрэгжүүлж чаддаггүй байна.
Энэ бүлгийн цустай эмэгтэйчүүд өөртэйгээ ижил зан төлөвтэй хүнийг сонирхдог, тайван, дөлгөөн зантай хүнээс хурдан залхдаг. Амжилттай яваа бизнес эрхлэгчид, дэлхийн алдартнуудын дотроос I бүлгийн цустай бизнес эрхлэгч эмэгтэйчүүд толгой цохидог гэдгийг нэмж тэмдэглэх нь зүйтэй болов уу.
II БҮЛЭГ
II бүлгийн цустай эмэгтэйчүүд тэвчээртэй, тайван хүмүүс байдаг. Энэ бүлгийнхэн гол төлөв хувиа хичээсэн бус, найрсаг зантай, сахилга баттай хүмүүс байдаг. Юун түрүүнд эдгээр эмэгтэйчүүд эмх цэгц, тохь тухыг эрхэмлэдэг бөгөөд аливаа асуудалыг тайван, зөрчилдөөнгүйгээр шийдвэрлэхийг хичээдэг.
Гэхдээ үүний зэрэгцээ II бүлгийн цустай эмэгтэйчүүд маш их зөрүүд, цухалдуу ааш зантай учир өөрийгөө захирч байж тайвширдаг. Хайр дурлалын хувьд эдгээр эмэгтэйчүүд их бүрэг, ичимхий. II бүлгийн эмэгтэйчүүд хамгийн сайн эхнэр болдог.
III БҮЛЭГ
III бүлгийн эмэгтэйчүүд зан чанарын хувьд уян зөөлөн: Тэд ганцаардлыг маш сайн тэсвэрлэдэг, том баг дотор ч усанд байгаа загас мэт байж чаддаг. Эхний хоёр цусны бүлгээс ялгаатай нь III бүлгийнхэн бусдыг удирдах юмуу дагах дургүй. Гэхдээ тэд бие даасан байдлаа алдахгүйгээр ямар ч нөхцөл байдлыг ашигтайгаар эргүүлж чаддаг.
Энэ бүлгийн охид үдэшлэгийн гол охид байж чаддаг. Тэднийг эсрэг хүйсний олон найз нөхөдтэй байдагт гайхах хэрэггүй. III бүлгийн цустай залуухан бүсгүйчүүд нилээд сээтэгнүүр бүсгүйчүүд байдаг гэнэ.
IV БҮЛЭГ
IV бүлгийн цустай бүсгүйчүүд маш зөөлөн, тэнцвэртэй хүмүүс байдаг. Тэд маш халамжтай, эелдэг зөөлөн, үнэнч. Үүний зэрэгцээ, тэд эргэлзээ, дотоод зөрчилдөөнөөсөө болж ямар нэгэн шийдвэрийг шууд гаргаж чаддаггүй. Энэ бүлгийн эмэгтэйчүүд нилээд дурламтгай хэдий ч үүнийгээ мэдэгдэх нь ховор. Хайр дурлалд тэд чин сэтгэлээсээ ханддаг.
Та ямар төрлийн цусны бүлэгтэй вэ? Таныг тодорхойлсон тодорхойлолт үнэхээр таарч байвал бүү гайхаарай. Дашрамд хэлэхэд Японы компаниудын ажилтнаа сонгохдоо цусны бүлгийг нь харгалзан үздэг байдал одоо ч хэвээр байдаг гэнэ шүү.
Эх сурвалж: Так Просто
