Эрүүл мэнд
Хор туух эмчилгээ
Бага зэрэг тэвчээр шаардана. Хонины гүзээг давсгүй маш сайн чанана. Шөлийг нь ууна. Энэ нь чиний биед буй булчирхайнуудад шингэсэн хорыг зайлуулна. Гүзээгээ бага багаар удаан зажилж иднэ. Үүнийг нэг өдөр өөр ямар ч хүнс хэрэглэхгүйгээр хүртэнэ.
Маргааш нь элэгнийхээ хорыг гаргахын тулд хонины шинэхэн элгийг шүүрхий, давсгүй болгон чанаж шөлийг ууж элгийг зажилж иднэ. Ингэвэл элэг элэгнийхээ хорыг түлхэж гаргана. Цөс хамт цэвэрлэгддэг. Энэ үед бага зэрэг гүйлгэдэг. Тиймээс амралтын өдөр хийвэл аятай.
Гурав дахь өдөр нь шинэ хонины давс багатай шөл уухад болно. Учир нь цэвэрлэгдэж тамирдсан биеэ тэтгэж буй хэрэг. Ингээд дөрөв дэх өдрөөс ямар ч хоол хорихгүй байж болно.
Энэ цэвэрлэгээг жилд нэг удаа хийгээд байвал хүмүүний бие эрүүл байдаг.